Астанада «Мерседес» көлігі оқушылар мінген шағын автобуспен соқтығысты

АСТАНА. ҚазАқпарат - Ағымдағы жылғы 05 сәуірде сағат 08.00 шамасында Еңбекшілер көшесі жағынан Жиделі көшесіне бет алған «Мерседес» көлігінің 1953 жылы туған жүргізушісі екінші дәрежелі жолда келе жатып, Жиделі көшесі бойымен келе жатқан «Газель» маркалы көлікке жол бермей, соқтығысып қалды. Шағын автобуста №82 мектептің 13 оқушысы болған.

Жол-көлік апаты салдарынан автобустың 2004 жылы туылған кәмелеттік жасқа толмаған жолаушысы жарақаттанып ауруханаға жеткізілді. Тексеріп, көмек көрсетілгеннен кейін ол үйіне қайтарылды. Қалған жолаушылар зардап шеккен жоқ.
Қазір тергеу жүргізілуде.