Астанада нан мен сүт өндіру көлемі артты
Күн сайын артып отырған жаңа қоныстанушылардың талаптарын қанағаттандыру үшін қаланың өнеркәсібі де осы серпінге сәйкес өркендеуде. Жыл басынан бері елордада нан мен сүт өндіру 15%-дан астам ұлғайды. Сондай-ақ, 2012 жылдың осы кезеңімен салыстырғанда макарон өндіру көлемі 1,7 есеге өсті. Бұл туралы astana.kz сайтына қалалық Статистика департаментінен мәлім етті.
Сонымен қатар Астанада ірімшік пен сүзбе дайындау (5,9%-ға), ұн (12,5 %-ға) және шұжық өнімдері (31,6%-ға) артты, - делінген баспасөз хабарында.
Тұтастай алғанда, 2013 жылдың қаңтар-ақпан айларында қаланың азық-түлік өндірісі көлемі өткен жылдың осы кезеңімен салыстырғанда 125,5%-ды құрады.
2012 жылдың осы кезеңімен салыстырғанда өңдеу өнеркәсібіндегі тауар өндіру көлемі 26,6% ұлғайды. Департаменттің мәліметі бойынша, өнім өндіру көлемінің өсімі азық-түлік тағамдары, резина, пластмасса және ағаш бұйымдары мен жиһаздар өндіруден басқа барлық өңдеуші өнеркәсіп салаларында байқалады.
Бұдан басқа, құрылыс индустриясының кәсіпорындары тауарлы бетонның (2012 жылдың қаңтар-ақпан айлары деңгейінен 208%), цементтен, бетоннан немесе өзге де жасанды тастардың қолданылуымен құрылыс үшін қажетті жинақтық конструкциялар элеметтерінің айтарлықтай өсімін қамтамасыз етті.
«Машина жасауда ауыл шаруашылығы, орман шаруашылығы машиналарының қосалқы бөлшектерін (151,7%), бөлу қалқандарын (155,6%) және дизель локомотивтерін (187,5%) шығару ұлғайды», - деп хабарлады ведомстводан.