Облыстық ауыл шаруашылығы басқармасының бастығы Қанатбек Оспанбековтың айтуынша, жәрмеңкеге 260 тонна ауыл шаруашылығы өнімдері әкелінді. Аталмыш жәрмеңкені елорда әкімі Иманғали Тасмағамбетов келіп, аралап көрді.
«Бұның бір ерекшелігі - ешқандай алып-сатар жоқ, таза сол өнім өндірген өндірушілер келген. Ауыл шаруашылығы өнімдерінің құны нарықтың бағасынан 20-25 пайызға арзан болады», - дейді Қ.Оспанбеков.
Негізгі 260 тоннаның 50 тоннасы - қой мен сиыр еті, 10 тонна - күркетауық еті, қалғаны көкөніс, бақша өнімдері. Қ. Оспанбектің мәлім еткеніндей, дәл осындай жәрмеңке келесі аптада Алматыда ұйымдстырылмақ.