Астанада өрт шалған 9 қабатты үйден 50 адам қауіпсіз аймаққа көшіріліп, 2 адам ауруханаға жеткізілді
08:02, 05 Қаңтар 2012
АСТАНА. 5 қаңтар. ҚазАқпарат - Елордалық «Алматы» ауданында 4-ші қаңтардан 5-ші қаңтарға қараған түні Жұмабаев көшесіндегі 9 қабатты үй өртенді.
Өрт 4 қабат деңгейіндегі лифтіден шыққан. Өрт 03. сағат 57 минут кеткенде сөндірілді. Бұл туралы ҚР ТМЖ-нің баспасөз қызметі хабарлады.
Жалынды ауыздықтауға ҚР ТЖМ Астана қаласының ТЖД 27 адамнан тұратын арнайы құрамы мен өрт сөндіру қызметінің 6 техникасы жұмылдырылды. 50 адам, оның ішінде 15 бала қауіпсіз аймаққа көшірілді. Оқиға болған жерде 56 жастағы ер адам мен 63 жастағы әйел адам газдан уланып, ауруханаға жеткізілді.