АСТАНА. 7 қазан. ҚазАқпарат - KAZENERGY 8-ші Еуразиялық форумына Премьер-Министр Серік Ахметов қатысады. Бұл туралы бүгін брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.
«Еліміздің заманауи энергетикалық саясаты, мұнай-газ саласындағы әлемдік үрдістер және басқа да өзекті мәселелер 8-9 қазанда Астанадағы KAZENERGY 8-ші Еуразиялық форумы аясында талқыланады», - деді ресми өкіл.
Оның сөзіне қарағанда, форумға Үкімет басшысы Серік Ахметов және Үкімет мүшелері, сондай-ақ өзге де мемлекеттік органдар өкілдері қатысатын болады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.