Астанада өтетін ТМД Үкімет басшылары кеңесінің мәжілісінде әлемдік дағдарыспен бірлесіп күресу мәселесі талқыланады
10:36, 15 Мамыр 2009
САНКТ-ПЕТЕРБОР. Мамырдың 15-і. ҚазАқпарат /Елена Мягкова/ - Мамырдың 22-сінде Астанада өтетін Тәуелсіз Мемлекеттер Достастығы Үкімет басшылары кеңесінің мәжілісінде әлемдік қаржылық-экономикалық дағдарысқа бірлесіп қарсы тұру мәселесі талқыланады.
Бұл туралы Атқарушы комитеттің төрағасы - ТМД Атқарушы хатшысы Сергей Лебедев мәлім етті, деп хабарлайды ҚазАқпарат тілшісі. Достастық елдерінің Үкімет басшылары Астанада бірін-бірі өз елдеріндегі жағдай мен дағдарыстың салдарын еңсеру жөніндегі қабылданып жатқан шаралар туралы хабардар етеді.