Жаңа құқықтық құжат мемлекеттің алдағы он жылдағы құқықтық саясатының негізгі басымдықтарын, оның ішінде ұлттық заңнаманы, елдегі құқық қорғау мен сот жүйесін жетілдірудің негізгі бағыттарын айқындайды.
Мемлекеттің құқықтық саясаты негізгі бағыттарының тұжырымдамасына сәйкес белгіленген құқықтық жүйені кешенді дамыту мемлекеттілікті және заңдылық тәртібін нығайтуға, адамның конституциялық құқығы мен бостандығының сақталуын, елдің орнықты дамуын қамтамасыз етуге ықпал етеді.
Кеңесте Құқықтық саясат тұжырымдамасының ережелерін тиімді және жоспарлы іске асыру бойынша кешенді іс-шараларды айқындауға қатысты мәселелер талқыланды.
Талқылау қорытындылары негізінде көрсетілген мәселелер бойынша тиісті тапсырмалар берілді және қажетті ұсыныстар әзірленді. Олар Қазақстан Республикасының жаңа Құқықтық саясат тұжырымдамасын іске асыру бойынша іс-шараларды даярлау кезінде ескерілетін болады.