ОРАЛ. 30 қаңтар. ҚазАқпарат /Елжан Ералы/ - Астанада өткен 7-Қысқы Азия ойындарының ашылу салтанатында спортшылар атынан батысқазақстандық Нұрберген Жұмағазиев ант берді.
Нұрберген Азия ойындарында шорт-тректен ел намысын қорғайды. Шорт-тректен Батыс Қазақстан облысынан қатысатын алты спортшының бірі, Оралдағы мұз айдыны сарайында жаттығып келе жатқан ол М.Өтемісұлы атындағы Батыс Қазақстан мемлекеттік университетінде оқиды.
Қазақстанның еңбек сіңірген жаттықтырушысы Мәдіғали Қарсыбеков бастаған мамандар баптайтын шорт-трекшілер ертең елордадағы велотректе өз жарыстарын бастайды. Бұл спорт түрінен кореялық, қытайлық, жапондық спортшылар мықты. Сондықтан қазақстандықтарға жүлделі орындар үшін таласу қиынға соғады. Дегенмен эстафеталық сында ел шорт-трекшілерінің қола жүлдеге қол созуға мүмкіндіктері бар.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).