АСТАНА. KAZINFORM – Пара дзюдодан 23-24 қараша күндері елорда төріндегі Beeline Arena спорт сарайында Grand Prix жарысы өтеді.
Қазақстан пара дзюдо федерациясынан мәлім еткеніндей, турнир барысында 10 салмақта жүлделер сарапқа салынады.
Басты екі ерекшеліктің бірі - жаңа Олимпиада циклінде салмақтар ауысады.
Ерлер 70, 81, 95, 95 келіде белдесетін болса, әйелдер 52, 60, 70, 70 келіде жүлдеге таласады.
Сондай-ақ Халықаралық дзюдо федерациясы тәжірибе ретінде Олимпиада салмағына кірмейтін 2 салмақта (ерлер - 64 келі, әйелдер - 46 келі) жүлде үлестіреді.
Еске сала кетейік, бұдан бұрын дзюдодан Қазақстан чемпионатында Мағжан Шамшадинді жеңген Нұрәділ Әлжанның чемпион атанғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).