Аталмыш жол-көлік апаты, бүгін күндіз, шамамен сағат 17:00-де Кенесары мен Уәлиханов көшелерінің қиылысында болды.
Апат куәгерлерінің бірі Самат Ысқақовтың айтуынша, №9 бағдарлы автобус өз жолағымен келе жатқан. Соқтығысу орын алғаннан кейін автобус жолаушылары алдымен абдырап қалып, кейін, әйел жүргізушіге ашу-ызаларын білдіре бастаған. «Бойжеткен болса, көлік салонында отырды. Меніңше, жылап та жіберді», - дейді куәгер.
Алдын ала мәліметтер бойынша, «Prado» көлігі басты көшеге бұрылып жатып, ондағы автобусты өткізбеген. Салдарынан жол апатын жасады. Абырой болғанда ешкім зардап шеккен жоқ.
Астана ІІД баспасөз қызметінің хабарлауынша, жол-көлік апатына кінәліні полиция анықтайтын болады.