Астанада салынып жатқан тұрғын үй кешенінде өрт шықты
22:34, 20 Сәуір 2018
АСТАНА. ҚазАқпарат - Астанада салынып жатқан тұрғын үй кешенінде өрт шықты, деп хабарлайды ҚазАқпарат.
«20 сәуірде сағат 20:54-те Есіл ауданындағы салынып жатқан «Nova city» тұрғын үй кешенінің 5 қабатында құрылыс қоқыстары өртенді. Жалын 6 шаршы метр жерді шарпыды», - деп мәлім етті ҚР ІІМ Төтенше жағдайлар комитетінің баспасөз қызметі.
Өрт сөндірушілер келіп жеткенше жалын толығымен сөндірілген. Оқыс оқиғадан ешкім зардап шекпеді.
Құрылыс алаңына елордалық Өрт сөндіру қызметінің мамандары барды.