АСТАНА. ҚазАқпарат - «Астана - даму мен инновацияның 20 жылы» форумында қалалық инвестициялар және даму басқармасының басшысы Әлішер Әбдіқадыров елордада креативті кластерлер құруды ұсынды, деп хабарлайды Елорда Инфо.
Арбат секілді креативті кеңістік «Жастар» сарайы базасында ашылуы мүмкін.
Сондай-ақ, ЭКСПО Сулы-Жасыл желекжолда да креативті кластерлер пайда болуы мүмкін. Оң жағалаудағы креативті кеңістіктер «Жастар» сарайы базасында Омаров көшесіне дейін жалғасады.
«Онда жастар Арбаты ұйымдастырылып, ашық креативті кеңістік орналасады. Жақын арада идеяларға ашық конкурс жарияланады және бұл жоба мемлекеттік-жекешелік әріптестік бойынша жүзеге асырылады», - деді форумда Әлішер Әбдіқадыров.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.