АСТАНА. KAZINFORM – Астана қаласындағы Beeline arena ұлттық теннис орталығының жазғы хард корттарында 14-28 шілде аралығында Президент кубогі үшін ATP Challenger Tour және ITF World Tennis Tour жарыстары өтеді.
Қазақстан теннис федерациясынан мәлім еткеніндей, Президент кубогі үшін дәстүрлі халықаралық турнир осымен 17 рет ұйымдастырылып отыр.
Биыл аталмыш додада Григорий Ломакин, Әмір Омарханов, Аружан Сағындықова, Соня Жиенбаева, Асылжан Арыстанбекова, Сандуғаш Кенжебаева және басқалар Қазақстан намысын қорғайды.
Көптеген атақты теннисшілер қатысып, жеңімпаз атанған Президент кубогі 1991 жылдан бері өткізіліп келеді. 2007 жылы жарыс халықаралық мәртебеге ие болды.
Еске сала кетейік, бұдан бұрын Елена Рыбакинаның Уимблдондағы қарсыласының мықты тұстары туралы айтқанын жазған едік.
Сондай-ақ Уимблдонда қазақстандық жасөспірімдер жұптық сында келесі айналымға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).