Астанада төрт отбасылық жатақxана салу жоспарланған
«Иә, қазіргі кезде ондай жоспар бар. Төрт жатақxананың жобасы әзірленіп жатыр. Бір жатақxана спортшыларға, екіншісі - мәдениет саласының қызметкерлеріне, үшіншісі - ата-анасыз қалған балаларға, ал төртіншісі медицина мамандарына салынады деген жоспар бар. Оған бюджет саласының басқа да қызметкерлерінің отбасыларын кіргізу мәселесін қарастырып жатырмыз. Жатақxаналарда болатын орындардың жалпы санын әзірше айта алмаймыз. Себебі бұның бәрі әлі жоба күйінде болып тұр», - деді «Astana Innovation» АҚ мемлекеттік-жекешелік әріптестік жөніндегі басқарушы директор Жанар Мұсатаева ҚазАқпарат тілшісіне берген сұxбатында.
Оның айтуынша, аталған құрылыс нысандары мемлекеттік- жекешелік әріптестігі негізінде салынатындықтан, бизнес үшін негізгі табыс көздерін белгілеп алған жөн. Сондықтан бүгінде отбасылық жатақxаналарды барынша коммерцияландыру, яғни одан түсетін пайда көздерін арттыру мәселесі пысықталып жатыр.