Астанада түнгі ауысымдағы қар тазалау жұмысына 1,4 мыңнан аса техника жұмылдырылды
АСТАНА. KAZINFORM - Астанада соңғы күндері қар мол жауып, ауа райы құбылып тұр. Қаланың коммуналдық қызметтері тәулік бойы күшейтілген режимде жұмыс істеп жатыр. 8 ақпан күні қар полигондарына 42 мың текше метрден астам қар шығарылды, деп хабарлайды елорда әкімдігінің ресми сайты.
Фото: Астана қаласы әкімдігінің баспасөз қызметі
8 ақпаннан 9 ақпанға қараған түні қала бойынша қар тазалау жұмысына 1,4 мыңнан аса арнайы техника мен 260-тан астам жол жұмысшы жұмылдырылды.
Фото: Астана қаласы әкімдігінің баспасөз қызметі
8 ақпан күні қаладан 3 125 ауыр жүк көлеміне тең 42 мың текше метрден астам қар шығарылды.
Қыс мезгілінің басынан бастап қар полигондарына 299 мың рейспен 4 млн текше метрден астам қар шығарылды.
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)