АСТАНА. KAZINFORM -Астанадағы «Сарыарқа» велотрегінде ерлер мен әйелдер арасында темптік және спринтерлік бағдарлама бойынша Қазақстан чемпионаты басталды.
Туризм және спорт министрлігі Спортты дамыту дирекциясының баспасөз қызметінің хабарлауынша. онда ҚР ұлттық чемпионаты, сондай-ақ жасөспірім ұлдар мен қыздар арасындағы Қазақстан чемпионаты өтеді.
Дүбірлі додаға еліміздің 13 облысынан 75 спортшы келді. Ал жасөспірімдер арасындағы ел біріншілігінде 14 облыстан шамамен 120 спортшы бақ сынауда.
Жарыс 22 тамызға дейін жалғасады.
Еске салсақ, бұдан бұрын қазақстандық балуан Едіге Қасымбек еркін күрестен Болгарияның Самоков қаласында өтіп жатқан U20 санатындағы әлем чемпионатының алтын жүлдегері атанды.
Жерлесіміз финалда Иран өкілі Абольфазл Мохаммад Нежадты айқын басымдықпен жеңді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.