Астанада Ынтымақтастық жөніндегі Қазақстан-Қытай комитетінің VI отырысының қорытынды хаттамасына қол қойылды
11:54, 08 Желтоқсан 2012
АСТАНА. 8 желтоқсан. ҚазАқпарат - Бүгін Астанада өткен Қазақстан-Қытай комитетінің VI отырысының қорытындысы бойынша Ынтымақтастық жөніндегі қорытынды хаттамаға қол қойылды.
Бұл туралы ҚР Үкіметі басшысының ресми сайтында хабарланды.
Естеріңізге сала кетейік, бүгін Астанада ҚР Премьер-Министрінің орынбасары Қайрат Келімбетов пен ҚХР Мемлекеттік кеңесінің вице-премьері Ван Цишанның төрағалығымен Ынтымақтастық жөніндегі Қазақстан-Қытай комитетінің VI отырысы өтті.
Отырыс барысында тараптар қауіпсіздік, энергетика, геология және жер қойнауын пайдалану, көлік, қаржы, сауда-экономикалық, ғылыми-техникалық және мәдени-гуманитарлық салалардағы ынтымақтастық мәселелерін талқылады.
Ынтымақтастық жөніндегі Қазақстан-Қытай комитетінің келесі VII отырысы Бейжіңде өтетін болды.