Айта кетейік, 2017 жылдың 10 қыркүйегінен бастап 1 желтоқсанға дейін Астанада «Учаске» жедел алдын алу іс-шарасы өтуде. Шараға Астана қаласы Ішкі істер департаментінің барлық бөлімшелерінің жеке құрамы мен ҚР ІІМ Ұлттық ұланының әскери қызметкерлері қатысуда. Іс-шараның мақсаты - учаскелік инспекторлардың, көші-қон, криминалдық және патрульдік полиция, соның ішінде жедел әрекет етуші бөлімшелердің және басқа қызметтердің күштерімен әрбір әкімшілік учаскеде құқық бұзушылықтардың алдын алу бойынша жұмыстың қарқынын арттыру.
«Учаске» жедел алдын алу іс-шарасы басталғалы учаскелік инспекторлар 115 мыңнан астам пәтерді және 9000-нан астам жеке үйді аралап шықты. ІІО тіркеуінде тұрған шамамен 4500 азамат тұрғылықты жері бойынша тексерілді. Сондай-ақ, 7000-нан астам азаматтық қару иегері тексеріліп, оның ішінде 57 қаруды сақтау ережелерін бұзу анықталды. Учаскелік инспектор шамамен 312-ден аса әкімшілік учаскеде халық алдында есеп берді», - делінген таратылған ақпаратта.
Ведомство мәліметінше, іс-шара жүргізілу барысында заңсыз жалға берілетін шамамен 1200 пәтер тіркеліп, ақпарат Мемлекеттік кіріс департаментіне жіберілді. Тұрғылықты жері жоқ 36 азамат қабылдап-тарату орнына жеткізілді. Жалпы «Учаске» жедел алдын алу іс-шарасы басталғалы әкімшілік жауапкершілікке 9400-ден астам адам тартылған.