деп хабарлады орталық басшысы Кеннет Әлібек pm.kz сайтына берген сұхбатында.
«Үстіміздегі жылдың ІІІ тоқсанында біз жаһандық телемедицина жүйесін ашамыз. Осының арқасында біз осы жылдың өзінде-ақ Питтсбург университеті онкологиялық орталығының мүмкіндіктерін пайдаланып, пациенттерге кеңес бере аламыз», - деді К.Әлібек.
Сонымен қатар, ол қазіргі кезде Астанада онкологиялық орталық құру жөніндегі жұмыстар жүргізіліп жатқанын хабарлады. «Мұндай орталық құру - бұл тек құрылыс мәселесі ғана емес, бұл қазіргі жұмыс істеп тұрған клиникалардың мүмкіндіктерін кеңейту де, біз бүгінде осы мақсатта еңбек етудеміз», - деді К.Әлібек.
Осылайша, биыл орталық құрудың жоба алдындағы ұйымдастыру жұмыстары басталып та кетті. Бүгінде Ұлттық медициналық холдингтің барлық орталықтары кеңейтуге байланысты өз мүмкіндіктерін саралап, негізі орталықтың құрылыс жұмысы аяқталмай тұрып-ақ, жұмысты бастап кетуді ойластыруда. «Біз өз орталығымызда тақау арада 60 төсектік онкологиялық бөлім ашуды жоспарлап отырмыз», - деп қосты Жедел медициналық жәрдем орталығының басшысы.
Қазіргі кезде бұдан басқа да ғылыми зерттеу жұмыстары жүргізілуде. «Бұл емдеудің жаңа тәсілдерін әзірлеудің және АҚШ-та әзірленген әдістерді өмірге енгізудің американдық-қазақстандық зерттеу жобалары. Біраз уақыттан кейін өзіміз ұсына алатын технологиялар тұрғысынан қарағанда да, біз мақтаныш ететін нәрселер болады деп ойлаймын», - деп қорытындылады сөзін К.Әлібек.
Естеріңізге сала кетейік, мемлекет басшысының «Әлеуметтік-экономикалық жаңғырту - Қазақстан дамуының басты бағыты» атты Қазақстан халқына Жолдауындағы тапсырмаларға сәйкес, Астана қаласында Ұлттық медициналық холдинг базасындағы жаңа Ұлттық ғылыми онклогиялық орталық құру мәселелі қарастырылуда.