Бұл шара кәмелеттік жасқа толмағандар арасындағы құқық бұзушылықтардың алдын алу, олардың полиция жұмысымен танысуы, сондай-ақ оларға қоғамдық орындар мен жолдардағы негізгі тәртіп ережелерін оқыту мақсатымен ұйымдастырылған. Бұл туралы қалалық ІІД-нің баспасөз қызметінен хабарлайды.
Акцияны өткізу барысында Астана қалалық ІІД-нің кәмелеттік жасқа толмағандардың істері бойынша инспекторлар жасөспірімдермен бірге уақытша ұстау абақтысына, кәмелеттік жасқа толмағандарды бейімдеу орталығына, кинологиялық қызмет орталығына, патрульдік-бекеттік қызмет полкына, Астана қаласының ішкі істер департаментінің мұражайына барады.
Экскурсияларға нашар отбасылардан шыққан балалар мен профилактикалық есепте тұрған кәмелетке толмағандар қатысады.