Астанада Жеңістің 80 жылдығына орай «Даңқ аллеясына» ағаш отырғызылды
Екінші дүниежүзілік соғысындағы Жеңістің 80 жылдығына орай Жеңіс күнін мерекелеу аясында Астана қаласының №107 орта мектебінде «Даңқ аллеясына» ағаштар мен бұталар отырғызу акциясы өтті. Бұл туралы Астана қаласы әкімдігінің баспасөз қызметі хабарлады.
Акцияға 5-11 сынып оқушылары мен жер елшілері қатысты. Бастаманың негізгі мақсаты — батырларымыздың ерлігін дәріптеу, жастар арасында патриоттық құндылықтарды қалыптастыру және бейбітшілік пен ризашылықтың жасыл нышанын қалыптастыра отырып, жеңімпаздар ұрпағына шексіз алғыс білдіру.
— Акция барысында 100-ге жуық ағаш отырғызылды. Бұл қаланы көгалдандыруға қосқан үлес қана емес — бұл болашаққа, өскелең ұрпақтың экологиялық санасына салынған инвестиция. Мұндай іс-шаралар табиғатқа деген сүйіспеншілік пен қоршаған әлем үшін жеке жауапкершілік сезімін тәрбиелейді, — деп атап өтті мектеп директоры Айгүл Бейсенбина.
«Даңқ аллеясы» «Таза Қазақстан» экологиялық науқанының бір бөлігі ғана емес, сонымен қатар ізгі бастамалардың өскелең ұрпақты біріктіріп, рухани құндылықтарды нығайтып, бірліктің күшін еске салатын ерекше үлгісі болды.
Айта кетелік Алматыда соғыс ардагерлеріне арналған 8 аллея ашылды.