Атап айтқанда, Ильинка кентінде және Досмұхамедов көшесінде 150 келушіге арналған екі БМСК орталығы өз жұмысын бастайды. Сондай-ақ жүйке жүйесінің созылмалы сырқатына шалдыққан жандарға арналған емдеу-өндірістік шеберханаларының құрылысын бітіру жоспарланған. Бұдан басқа, қала үшін маңызды бірнеше арнайы медициналық мекеме салынып жатыр. Атап айтқанда, 2015 жылы 250 орындық балалар жұқпалы аурулар ауруханасы пайдалануға беріледі, сондай-ақ «Теміржол» тұрғын алабының солтүстік-шығысында орналасқан 500 орындық туберкулезді емдеу диспансері тапсырылады. Ал сол жағалауда амбулаториялық-емханалық кешен ашылады, оның ересектер емханасы бір ауысымда 350 адамды, ал балалар емханасы 150 адамды қабылдамақ.
Сонымен қатар 2015 жылы бір ауысымда 250 төсек-орындық емханасы бар 150 келушіге арналған медициналық-әлеуметтік оңалту орталығы салынып бітеді. Құрылыс басқармасының хабарлауынша, елордада тағы да бес денсаулық сақтау нысанының құрылысын жобалау шаралары қолға алынды, деп хабарлайды astana.kz.