АСТАНА. ҚазАқпарат - Биылғы қазанда Астанада жылу энергиясын өндіру мен жеткізудің тарифін өсіру жоспарланып отыр. Бұл туралы «ҚазАқпарат» тілшісіне елорда әкімдігінің энергетика басқармасынан мәлім етті.
«2017 жылдың 1 қазанынан бастап жылу энергиясын өнідіру мен беруге тариф өседі деп күтілуде. Атап айтқанда, жылу қуатын өндіруге тариф 15 пайызға, ал жылуды беруге 5 пайызға өседі», - деп нақтыланған әкімдік мәліметінде.
Айта кетейік, тарифті көтеру 2017 жылдың маусымында Табиғи монополияларды реттеу және бәсекелестікті қорғау комитеті департаментінің бұйрығымен бекітілді.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.