Бұл туралы бүгін журналистерге қаладағы құрылыс нысандарын аралау кезінде Астана қаласының әкімі Иманғали Тасмағамбетов мәлім етті, деп хабарлайды ҚазАқпарат.
Елорда әкімдігі бомбапананы сөндіру кезінде қаза тапқан үш өрт сөндірушінің туған-туыстарына 1 млн. теңге материалдық қолдау көрсетуге шешім шығарды. Оның үстіне осы уақытқа дейін пәтер жалдап келген Руслан Кәкішевтің отбасына - 3 бөлмелі, Саят Әбеевтің туған-туыстарына 2 бөлмелі пәтер беріледі.
Айта кетейік, ақпанның 17-сі күні Астанадағы Ықылас Дүкенұлы атындағы көшедегі технопарктің аумағында орналасқан бомбапананың ішінде өрт шыққан болатын. Өртті сөндіру кезінде үш адам қаза тапты. Олар - Астана қаласының Төтенше жағдайлар департаменті бастығының орынбасары полковник В. Зайцев, департаменттің алтыншы өрт сөндіру бөлімінің бастығы Р. Кәкішев, арнайы өрт сөндіру бөлімі қызметі бастығының орынбасары С. Әбеев.