Жол жөндеу жұмыстары жүріп жатқан Мирзоян және Мұңайтпасов көшелерінің қиылысында сағат 18.00 шамасында диаметр 250 мм құбыр зақымданды. Нәтижесінде Мирзоян көшесінде №1, 1/2, 3, 3/1, 5, 7, 7/1, 8/1, 9/1, 12, 14/1 үйлердің, Петров көшесінде 21/3 үйдің тұрғындары сусыз қалды. Министрліктің ақпараты бойынша, қазір оқиға орнында жөндеу-қалпына келтіру жұмыстары жүріп жатыр.
Естеріңізге сала кетейік, Қажымұқан Мұңайтпасов көшесінің бойымен Тәуелсіздік даңғылынан Абылайхан даңғылына дейінгі аралықта жол жөндеу жұмыстары жүріп жатыр, көлік қозғалысы шілденің 16-сы мен қазанның 15-іне дейінгі аралықта толық шектеліп отыр.