Бұл туралы университеттің баспасөз қызметінен хабарлады.
Іс-шараға ЖОО ректоры Ақылбек Күрішбаев, бірінші проректор Айтжан Әбдіров, профессорлық-оқытушылар құрамы мен студенттер қатысты.
Тарих ғылымдарының кандидаты, тарих кафедрасы оқытушысы Шолпан Саяхимова «Әлеуметтік-экономикалық жаңғырту - Қазақстан дамуының басты бағыты» тақырыбында баяндама оқыды. Ш.Саяхимова Елбасы Жолдауының әрбір бағытына жеке-жеке тоқталып өтті. Студенттер де азаматтық белсенділік танытып, Жолдауды қызу талқыға салды және Нұрсұлтан Әбішұлының саясатын қолдайтындықтарын білдірді.
Шараны қорытындылаған ректор А. Күрішбаев Елбасы Жолдауындағы негізгі бағыттарды атап өтті. Сондай-ақ «Ғылым туралы» заңға тоқталып, университеттің бұл бағыттағы жоспарымен таныстырды. Жоспар мақсаты ғылими-зерттеу университетін құру болып табылады. Жолдауда көтерілген әлеуметтік маңызы жоғары - тұрғын үй мәселесі де назардан тыс қалмады.