Шараға қонақ ретінде белгілі ақын Фариза Оңғарсынова қатыспақ.
Қазақстанның Батыс өңірінде Наурыз мейрамы «Амал» деп аталатын мерекемен басталады. 14 наурыз күні ойдағы ел қырдағы елмен араласып, бір-бірімен көріседі. 14 наурыз халық арасында айдың бірінші жаңасы болып есептелген. Мұны кейде халық арасында «көрісу күні» деп те атайды. Қыстан қалған сүр ет қазанға салынып, наурыз көже пісіріледі. Мереке соңы көңілді думанға жалғасады. Үлкендерге арнайы сәлем берген жастарға қарттар «Жас құтты болсын!» айтысады.
Халқымыздың осы дәстүрі елордада алғаш рет Қазақ агротехникалық университетінің агрономия факультетінде салтанатпен өткелі отыр.