Астанадан шығатын бірқатар жолдар жабылды

АСТАНА. ҚазАқпарат - Ауа райының бұзылуына байланысты Астана қаласынан шығатын бірқатар автожолдар жабылды, деп хабарлайды ҚазАқпарат.

«22 қараша күні сағат 19.00-де ауа райының қолайсыздығына байланысты (қар аралас жаңбыр, екпінді жел, көктайғақ) «Астана - Қарағанды», «Астана-Қабанбай батыр», «Астана-Қорғалжын»  тас жолдары барлық автокөлік түрлері үшін жабық», - делінген iKomek Мониторингілеу және шұғыл әрекет ету қалалық орталығының мәліметінде.

Еске салайық, «Қазгидромет» РМК бұған дейін Батыс Қазақстан, Қостанай және Жамбыл облыстарында ескерту жариялаған болатын.

Сондай-ақ 22-24 қараша күндері аралығында ел аумағында қар жауып, күшті жел соғатыны хабарланды.