«1 қыркүйек 11 қазан аралығында Астана қаласына 50 мыңға жуық тонна көмір жеткізілді. Қаламызға көмір әртүрлі кен орындарынан тасымалдануда - «Майкөбе», «Қаражыра», «Богатырь», «Сарадыр» және «Шұбаркөл». Тұрғындар арасында «Шұбаркөл» көміріне сұраныс жоғары», - деп атап өтті Астана қаласы кәсіпкерлік және өнеркәсіп басқармасының басшысы Рысгүл Қауғабаева.
Оның айтуынша, Астана қаласында көмір тапшылығы жоқ.
«Қазіргі күні кен орнынан артылған 7 мың тонна көмірдің 5 600 тоннасы Астанаға жеткізілді және де осы екі күн ішінде тағы 5 мың тонна көмір жеткізіледі. Күн сайын тек осы «Шұбаркөл» атты түрінен қалаға 1,5 мың тонна көмір жеткізілетін болады», - деді Рысгүл Қауғабаева.
Қала бойынша көмір сататын 15 орын бар. Оның ішінде 7-і ірі сатылым орындары.
05:00, 12 Қазан 2017
Астанаға 5 мың тоннадан астам көмір жеткізілді
АСТАНА. ҚазАқпарат - Осы күнге дейін қалаға 46,7 мың тонна көмір жеткізілген, деп хабарлайды Астана қаласы әкімдігінің медиа орталығы.