Астанаға көлікпен кіру шектеле ме

АСТАНА. KAZINFORM - Астана әкімі Жеңіс Қасымбектің Сарайшық ауданы тұрғындарымен кездесуінде осындай сұрақ қойылды. 

— Астанаға көлікпен кіруге шектеу қою мәселесі қарастырылған жоқ. Қарастырылмайды да, — деді қала басшысы.

Айта кетелік Астана әкімі елордадағы ақылы тұрақтар жаңа инвесторға берілуі мүмкін деген мәліметтерді теріске шығарған еді. Сонымен қатар Жеңіс Қасымбек LRT-де жол жүру бағасы қанша болатынын айтқан еді.

Еске салсақ, биыл күзде LRT-ні тестілік режимде іске қосу жоспарланған.

Сондай-ақ 2028 жылға дейін Астана агломерациясы қалай дамитыны туралы жазған едік. 

Еске сала кетейік, агломерация құрамына Астана және Қосшы қалалары, сондай-ақ Целиноград, Аршалы және Шортанды аудандарының 45 елді мекені кіреді. 2024–2028 жылдарға арналған Астана агломерациясын дамыту жөніндегі кешенді жоспар аясында Ақмола облысында 245 іс-шараны жүзеге асыру көзделген.