Жеребе тастау оны өткен жылғы Делиде өткен Достастық ойындарының финалшысы шотландтық Джрш Тэйлормен кездестірді.
Қарсыласы ұрысты белсенді бастады. Дегенмен бірінші раундының өзінде Данияр оны нокдаунға жіберіп, 3:2 есебімен алға шықты. Тэйлор екінші раундта да белсенді қимылдады. Алайда оның бір соққысы ғана көздеген жерге тиді. Екінші раунд та 7:2 есебімен Даниярдың пайдасына шешілді. Соңғы үш минутта Данияр өзінің басымдығын байқап, ойын тағдырын өз қолына алды. Жекпе-жек қорытындысы 11:5.
Данияр чемпионаттың кезекті айналымында жапондық спортшы, 2007 жылғы әлем чемпионатының қола жүлдегері Маатсугу Кавачимен қолғап түйістіреді. Бұл жекпе-жек 2 қазанда өтеді.
Ал бүгін шаршы алаңға Ғани Жайлауов пен Шот Накаяма (Жапония) және Данабек Сужанов пен Ян Ю Тинг (Қытайдың Тайпейі) шығады.