«Астаналық» велошабандоз АҚШ-та өткен Джила турында топ жарды

АЛМАТЫ. Мамырдың 5-і. ҚазАқпарат /Ерлік Ержанұлы/ - АҚШ-тың Нью-Мексико штатында өткен Джила турында «астаналық» велошабандоз үздік атанды,

деп хабарлайды ҚазАқпарат «Астана» велоклубының баспасөз қызметіне сілтеме жасап.Ұлттық деңгейдегі көпкүндік бұл сайыста қазақстандық кәсіпқой велоклубтың шабандоздары Лэнс Армстронгтың «Меллоу Джоннис» велосипед дүкенінің сауда белгісімен бақ сынаған болатын. Өйткені Халықаралық велосипедшілер одағының ережесі бойынша ұлтық деңгейдегі жарыстарға Про Тур командалары өз сауда белгілерімен қатыса алмайды. Сәуірдің 29-ы күні жалауын көтерген бұл байрақты бәсекеге «Астана» сапында өнер көрсететін спортшылардан Лэнс Армстронг, Леви Лефеймер мен Крис Хорнер қатысты. Онда Леви Лейфамер жарыстың бірінші, үшінші, бесінші кезеңдерінде үздік шығып, өз командасындағы жеңістердің санын 17-ге жеткізді.