АСТАНА. ҚазАқпарат - Астаналық жігіт көңіл қосқан қызынан 1 млн теңге алып, бермей кеткен. Бұл туралы қалалық соттың баспасөз қызметі хабарлайды.
«2017 жылдың 24 қаңтарында С. есімді азамат М. есімді бойжеткеннен 1 млн теңге ақшаны қолхат арқылы алған, қарызын екі айдан соң қайтаруға сөз берген. Сот барысында анықталғандай, бойжеткен ақшаны астаналық банктердің бірінен кредитке алған. Бір жыл өтсе де оның қарызы қайтпаған. Астана қаласының есіл аудандық сотының шешімімен жапа шегушіге қарызға берген ақшасы қайтарылды», - делінген хабарламада.
Шешім заңды күшіне енді.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.