Астаналықтар ерекше жарық шоуын тамашалады

АСТАНА. 22 наурыз. ҚазАқпарат - Астанада Наурыз мейрамын атап өтуге арналған іс-шаралардың алғашқысы «Бәйтерек» монументі маңындағы жарық шоуы мен Ғашықтар саябағындағы көркемдік инсталляция болды.

Ұйымдастырушылардың айтуынша, Наурыз мұндай шоуларға арналған жақсы мезгіл.

Ерекше қойылымға дайындыққа 2 апта кетті. Аспанға жарықты беріп тұратын 98 діңгек орнатылды. 98 саны Астананың еліміз елордасы атанған жылынан алынды.

Бұл уақытта Ғашықтар саябағындағы инсталляцияға дайындық қызу жүріп жатты. Саябақта орнатылған жұмыртқа өзіне - су, жер, от және ауаны біріктірді.

«Бұл жұмыртқа судың үстінде тұр. Адамдар оның ішіне кіріп көріп, өзге энергетиканы сезіне алады», - деді сценографист Маркос Виналс Бассолс.

Қалаған кез келген адам судың үстіндегі тас тақталармен жүріп көріп, композиция ішінде тілек тілей алды.

Еске салайық, бірегей шоу Астанада 1 сәуірге дейін жалғасады және оны осы күндердің кез келгенінде тамашалауға болады.