НҰР-СҰЛТАН. ҚазАқпарат – Елордада пластикалық бөтелкені өткізіп, оның құнына қоғамдық көлік картасына бірлік салуға болады. Бұл туралы CTS (City Transportation Systems) ЖШС-ның қоғаммен байланыс бөлімінің жетекшісі Науат Азанбаева мәлім етті, деп хабарлайды ҚазАқпарат тілшісі.
«Бөтелкені тапсыр да қоғамдық көлік картасын толтыр. Ендігі уақытта Нұр-Сұлтан қаласының қоғамдық көлігінің көлік картасын бос бөтелкені тапсыру арқылы толықтыруға болады. Көлік карталарын пайдаланушылар бөтелкелерді тапсырғаны үшін сыйақы қарастырылған, бір пластикалық бөтелкенің құны 3 теңгені құрайды», - деді аталған компания өкілі Науат Азанбаева.
Оның айтуынша, өткізілген пластикалық бөтелкелер қайта өңдеуге жіберіледі.
Елорда бойынша алғашқы бөтелке өткізу құрылғысы «Астаналық базарда» («Артем» сауда үйі) орналасқан.
Дәулет Ізтілеу
Ы.Алтынсарин атындағы Арқалық мемлекеттік педагогикалық институтының түлегі. Бұған дейін "Қазконтент" АҚ e-history порталында тілші, "Елорда инфо" ақпарат порталында тілші болған. 2018 жылдан бері Kazinform халықаралық ақпарат агенттігінің тілшісі.