НҰР-СҰЛТАН. ҚазАқпарат – Елордада 18 жастағы жігітті пышақпен қорқытып ұялы телефонын алып қойған күдікті ұсталды, деп хабарлайды ҚазАқпарат Нұр-Сұлтан қаласы полиция департаментінің баспасөз қызметіне сілтеме жасап.
«18 жастағы елорда тұрғыны Біржан сал көшесінде белгісіз біреудің пышақпен қорқытып ұялы телефонын тартып алғанын айтып шағымданды. Шығын көлемі 150 мың теңгені құрайды. Күдікті жәбір шегушіні алдын ала байқаған және аулаға келгенде пышақпен қорқытып ұялы телефонын алып қойған. Жедел іздестеру шарасы нәтижесінде астаналық криминалдық полиция қызметкерлері күдіктіні Қарағанды қаласында ұстады. Ұсталған 20 жастағы қарағандылық күдікті өз ісін мойындады», - делінген хабарламада.
Күдікті уақытша изоляторға қамалып, тергеу амалдары жүріп жатыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).