Айта кетейік, қаланың көлік кешенін дамыту бағдарламасы аясында 2015 жылы 6 көшеде автобус жолағы енгізілсе, өткен жылы 5 көшеде «BUS Line» сызылды.
«Қала көшелерінде «BUS Line» жолағы енгізілгеннен бері (2015 жылдан бастап) қоғамдық көліктер 9 жол-көлік апатына түсті. 6 рет жаяу жүргіншілерді соғып кетсе, 3 мәрте көлік қақтығысты. Жаяу жүргіншілерді соғып кету кезінде 3 адам қайтыс болды», - делінген Әкімшілік полицияның ҚазАқпарат тілшісіне берген ресми жауабында.
Алдағы уақытта Астананың 24 көшесінде автобус жолақтарын енгізу жоспарланған. Атап айтқанда, Жеңіс даңғылы (Конституция көшесінен Кенесары көшесіне дейінгі аралық), Республика даңғылы (Абай - Бараев), Тәуелсіздік даңғылы (Пушкин - Момышұлы), Қабанбай даңғылы (Қорғалжын тас жолынан айналма жолға дейін), Абылай хан даңғылы (Қошқарбаев - Пушкин), Шәкәрім Құдайбердіұлы (Қошқарбаев - Пушкин), Сарайшық көшесі (Қабанбай батыр - Момышұлы), Байтұрсынов көшесі (Момышұлы - жаңа вокзал), Нәжімеденов көшесі (Қалдаяқов - жаңа вокзал), Сығанақ көшесі (Айтматов - Тұран), Сарыарқа даңғылы (Сейфуллин - көпірге дейін), Тұран даңғылы (көпір - Достық көшесі), Қосшығұлы көшесі (2 Алматы көшесі - Орал көшесі), Мәңгілік ел (жол айрықтан бастап Керей мен Жәнібек хандар көшесіне дейінгі аралық), Пушкин көшесі («А-Мади» жанар-жағармай құю стансасы - Жетіген көшесі), Сәтбаев көшесі (Момышұлы - Петров), Бейбітшілік көшесі (Есенберлин - Сейфуллин), Гете («Сапаржай» автовокзалы - Республика даңғылы), Ақжол (Пушкин - Алаш тас жолы), Жұмабаев көшесі (Қажымұқан - Қошқарбаев), Қошқарбаев (Тәуелсіздік - Түлебаев), Қонаев даңғылы (Мәңгілік ел - Тұран), Достық көшесі (Мәңгілік ел - Тұран) және Конституция көшесінде (Бәйсейітова - Жеңіс аралығында) автобус жолақтарын енгізу көзделген.