«Қаламаңы аумағындағы ауа райының қолайсыздығына байланысты жол жабындысы нашарлап, кей жерлерде көктайғақ орын алды. Осыған байланысты сағат 18-00-ден бастап қашық бағыттарға қатынайтын № 300, 308, 309, 310, 315, 316 қаламаңы автобустарының қозғалысы тоқтатылды», - делінген таратылған ақпаратта.
Сонымен қатар аталған компания таяу аралықтағы қаламаңына қатынайтын қалған № 304, 313, 80, 306, 311, 307, 302, 301, 303, 35, 103 автобустардың қозғалысы штаттық режімде жүзеге асырылатындығын атап өткен.
Бұған дейін елордада қардың қалың түсуіне және көктайғаққа байланысты қалалық барлық қызметтер күшейтілген жұмыс режіміне көшірілгенін хабарлаған едік.