Аталған байқаудың мақсаты - Астананың туристік символына айналатын дизайнерлік жобаны анықтау.
«Символ, белгі (бренд) қаланың статусын, оның туристік тартымдылығын, көрікті орындарын, ландшафтының ерекшелігін және тарихын жеткізуге тиіс. Аталған байқауға қатысу үшін 142 өтініш тіркелді», - деп мәлім етті баспасөз қызметінен.
Материалдары бар конверттерді ашқан соң байқаудың қазылар алқасы жобаның 10 үздік нобай-идеясын іріктейтін болады. Жеңімпаздар онлайн-дауыс берудің нәтижесінде анықталады.
Байқау қорытындысы ақпанның алғашқы онкүндігінде шығарылады.