АСТАНА. ҚазАқпарат – 25 шілдеден 26-сына қараған түні Хорватия астанасы Загреб қаласында Чемпиондар лигасы екінші іріктеу кезеңінің алғашқы матчында жергілікті «Динамо» «Астана» командасын қабылдайды, деп хабарлайды ҚазАқпарат тілшісі.
Sports.kz сайтынан алынған мәліметке қарағанда, «Динамо» Загреб – «Астана» ойыны елорда уақытымен сағат 00.00-де басталады.
Матчты «Qazsport» телеарнасы тікелей эфирде көрсетеді.
Қарымта кездесу 2 тамыз күні Астанада өтеді.
Айта кетейік, «Астана» Чемпиондар лигасының бірінші іріктеу кезеңінде «Динамодан» басым түскен болатын (1:1, 2:1). Ал загребтік «Динамо» үшін бұл жаңа маусымдағы Чемпиондар лигасындағы алғашқы бәсеке болмақ. Аталған клуб Хорватия чемпионатындағы бірінші ойынында күтпеген жерден өз алаңында «Хайдуктан» ұтылып қалды – 1:2. Ал елордалықтар Қазақстан біріншілігінде соңғы турда өз алаңында «Атыраудан» айласын асыра алмады – 0:0.
«Астана» турнир кестесінде 39 ұпаймен екінші орында келеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).