Атақты актер Пирс Броснан Вермонт әуежайында пышақпен ұсталды
11:25, 05 Тамыз 2015
АСТАНА. ҚазАқпарат - Ирландия тумасы танымал америкалық актер Пирс Броснан Вермонт штатының әуежайында тексеру аймағынан аңшылық бәкі алып өтпекке әрекеттенген кезінде ұсталды.
Бұл туралы штат полициясының өкілдері хабарлады.
Олардың мәліметінше, суық қару Броснанның 14 жастағы ұлымен бірге ұшаққа отырар алдындағы жолаушыларды тексеру барысында табылған. Қауіпсіздік қызметі қызметкерлерінің 62 жастағы актердің бортта тыйым салынған затын тәркілеуге тура келді. Көп ұзамай актерді босатты.
Ирландияда туған, кейіннен америкалық азаматтықты алған Броснан белгілі британдық фильм «Агент 007-де» Джеймс Бондтың рөлін сомдағанымен танымал. Актер екі рет беделді «Алтын глобус» сыйлығын иеленді.