Көп сериялы фильмде аты шулы мексикалық қылмыскердің өмірі көрсетілмек. Телехикаяны екі америкалық компания - испан тілді телекоммуникациялық «Univision», сонымен қатар «Netflix» түсіріп жатыр.
«Синалоа» наркокартелінің басшысы Хоакин Гусман 2015 жылы 12 шілдеге қараған түні Мехико штатындағы қатаң режімдегі «Альтиплано» түрмесінен өз камерасынан қазылған 1,5-километрлік туннель арқылы қашып кеткен. Есірткі саудагерін ағымдағы жылы 8 қаңтарда мексикалық теңіз күштері (әскері) Синалоа штаты Лос-Мочис қаласында ұстады. Жазасын өтеу үшін Гусманды «Альтиплано» түрмесіне қайта жөнелтті. Оны ұстау тәртібі бұрынғыдан да қатайтылды. Қылмыскер АҚШ-қа экстрадициялануы мүмкін.