Атақты Пеленің шашынан алмаз тастар жасалды

АСТАНА. ҚазАқпарат - Атақты футболшы Пеленің шашы алмаз тастарына айналды. Аты аңызға айналған спортшы өзінің шашынан жасалған эксклюзивті тастарды биылғы жазда футболдан әлем чемпионатын қабылдайтын Сан-Паулу қаласында таныстырды, деп хабарлайды Day.Az.

Алдымен, футболшының шашының бұрымдары көмірге айналдырылып, алмаздар жоғары температура мен қысымның көмегімен өндірілді. Тастардың ұзын-саны 1283 дананы құрады, атақты футбол королі өз ғұмырында жасыл алаңда осынша гол соққан екен .

Бағалы тастардың әрқайсысы шамамен $ 7,500 доллар тұрады. Олар Пеленің гол соғып жатқандағы алтын жалатылған бейнесі бар қорабшаға салынып сатылады.