АСТАНА. KAZINFORM — «Атырау» футбол клубының бас бапкері Константин Горовенко қызметінен босатылды.
«Атырау» футбол клубының баспасөз қызметінен мәлім еткеніндей, 48 жастағы К.Горовенко өз еркімен қызметінен кеткен.
Қазақстандық маман биылғы маусым алдында атыраулық команданың тізгінін қайта ұстаған еді.
Чемпионат аясында атыраулықтар К.Горовенконың басшылығымен алты матч және кубоктық ойын өткізіп, бір рет қана жеңіске жетті.
Команда бас бапкерінің міндетін уақытша Денис Мамонов атқарады.
«Атырау» командасы Қазақстан чемпионатында небәрі 3 ұпаймен турнир кестесінде 13-орында келеді.
Еске сала кетейік, бұдан бұрын «Ордабасының» біріншіліктегі алғашқы жеңісіне қол жеткізгенін жазған болатынбыз.
Айта кетейік, Kazinform агенттігі жаңа «Мәлімет» жобасын іске қосты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).