Аукцион мемлекеттік мүлік тізілімінің e-qazyna.kz цифрлық платформасында ұйымдастырылады. Сауда бағаны көтеру әдісімен өткізілмек.
— Аукционға қатысуға ниет білдірген жеке тұлғалар электрондық платформада электрондық цифрлық қолтаңба кілті арқылы тіркеліп, белгіленген тәртіппен қатыса алады. Аукционға шығарылатын автокөлік құралдары туралы толық ақпаратпен, олардың бастапқы бағасымен, техникалық жай-күйімен, аукционға қатысу шарттарымен және өзге де қажетті мәліметтермен e-qazyna.kz электрондық платформасында танысуға болады, -делінген облыстық мемлекеттік сатып алу және коммуналдық меншік басқармасы.
sauda.e-qazyna.kz платформасында жарияланған ақпарат пен суреттерге қарап ескі көліктердің көбі полиция департаментінің, жедел жәрдем станциясының теңгерімінде болғанын байқауға болады. Сондай-ақ, оқушыларды тасымалдаған автобустар да бар.
Еске салайық, Алматыда бұған дейін Қайрат Сатыбалды мемлекетке берген DoubleTree by Hilton қонақүй кешені үшінші рет аукционға шығарылғанын жазған едік.