Мамандардың түсіндіруінше, өңір аумағында антициклонның ықпалы байқалып, жауын-шашын болмаған. Соның салдарынан жердің беткі қабаты қатты құрғаған.
Оңтүстік-шығыстан соққан желдің күшеюі құрғақ топырақтың ұсақ бөлшектерін ауаға көтеріп, шаңды дауылдың қалыптасуына әкелген.
Қазгидрометтің болжамынша, ертең облыс аумағында оңтүстік-шығыстан соғатын желдің жылдамдығы секундына 7-12 метрге жетеді. Желдің бағыты сақталатындықтан, құрғақ жер бетінен шаң-тозаңның қайта көтерілу қаупі бар.
Алайда желдің екпіні бүгінгідей қатты болмайды деп күтіледі. Осыған байланысты ертең шаңдану қарқындылығы бүгінмен салыстырғанда төменірек болады деген болжам бар.
Еске салайық, 24 қыркүйекте Павлодар, Ақтөбе, Алматы қалаларында, түнде Қостанай, Өскемен, Семей, Риддер, Астана қалаларында қолайсыз метеорологиялық жағдайлар күтілетінін жазған едік.