Атырау қалалық әкімдігі баспасөз қызметінің ақпаратына сүйенсек, бұған жол жөндеу себеп болған.
«Атырау қаласындағы «Тұрғын үй қалашығы» мен «Авангард» шағынаудандары аралығын жалғайтын көпірдің бір жақ бөлігі 29 ақпанда сағат 15:00-ден 5 наурызға дейін жабылатынын хабарлаймыз. Осы күндері көпір үстінде ағымдағы жөндеу жұмысын жүргізу қарастырылып отыр. Көлік қозғалысын тоқтатпау үшін бір бағыттағы жолақпен жүру қарастырылғанын қаперіңізге саламыз», -деп хабарлады әкімдіктің баспасөз қызметі.
Еске сала кетелік, бұдан бұрын Атырауда сорғы стансасындағы апаттан бір шағын аудан тұрғындары 3 күннен бері сусыз отырғанын хабарлаған болатынбыз.