АТЫРАУ. ҚазАқпарат – Атырауда ұшақ шұғыл жағдайда жерге қонды. Осы себепті Нұр-Сұлтан қаласына жөнелтілетін рейс кейінге шегерілді, деп хабарлайды ҚазАқпарат тілшісі.
Атырау халықаралық әуежайының анықтама қызметі мәлім еткендей, сенбі күні кешке қарай Нұр-Сұлтан қаласына аттануы тиіс КС 984 рейсі жексенбі күнгі 14:20-ға шегерілген.
Елордаға аттанбақ болған жолаушыларға рейстің шұғыл жағдайда жерге қонуға мәжбүр болғаны себепті кейінге шегерілгені айтылған. Не себепті ұшақ шұғыл жерге қонғаны жайлы ақпарат жоқ.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.