Атырау қаласының әкімі Қайра Оразбаевтың мәліметіне сүйенсек, биыл облыс орталығындағы «Береке» шағын ауданында 240 пәтерлік бір тұрғын үй бой көтереді. Ал «Самал» ықшамауданында 432 пәтерлік ірі панельді 16 тұрғын үйдің құрылысын жүргізу жоспарланған.
«Сонымен қатар, Талғайраң елді мекенінде көпқабатты 46 үйдің құрылысын салу үшін жобалық-сметалық құжаттама жасақталды. Мұнда салынып жатқан 1080 пәтерлік көп қабатты 24 тұрғын үйге инженерлік-коммуникациялық инфрақұрылымның құрылысы жүріп жатыр» -дейді Қайрат Оразбаев.
Әкімнің айтуына қарағанда, былтыр «Нұрлы жер» тұрғын үй коммуналдық шаруашылығын дамытудың 2020-2025 жылдарға арналған мемлекеттік бағдарламасы аясында «Терможаңғырту» бағытымен көпқабатты 4 тұрғын үй күрделі жөндеуден өткен. Ал биыл осындай 15 тұрғын үйді күрделі жөндеуден өткізу көзделген.
Еске сала кетелік, бұдан Атыраудың Индер ауданында көпқабатты 20 тұрғын үй салынатынын хабарлаған едік.