АСТАНА. ҚазАқпарат - Атырау қаласында тұңғыш рет 19-24 сәуір аралығында таеквондодан жастар арасындағы 9-шы Азия чемпионаты мен ересектер арасында G-1 Халықаралық турнирі өтеді.
Бұл туралы облыстық спорт басқармасы хабарлады. Азия чемпионатына әлемнің 25 елінен ең таңдаулы спортшылар қатысады деп күтілуде.
Қазірге дейін өз елімізден тыс Ауғанстан, Қытай, Тайпей, Үндістан, Индонезия, Иран, Ирак, Иордания, Қырғызстан, Ливан, Макао, Малайзия, Моңғолия, Пәкістан, Филиппин, Катар, Оңтүстік Корея, Сауд арабиясы, Тәжікстан, Тайланд, ОАЭ, Өзбектстан және Вьетнам мемлекеттерінің спортшылары Атырауға келетіндерін ресми түрде мәлімдеген.
Ал «Kazakhstan open» G-1 Халықаралық турниріне 19 мемлекет өз өтінімдерін білдірген.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.